Без разлика колку е вкусна вашата храна – ако услугата на персоналот е лоша, тогаш сте во неволја. Вашите клиенти имаат илјадници избори каде да јадат и пијат па затоа ако сакате да ги убедите своите пари да ги остават баш во вашиот ресторан – тогаш ќе мора да им покажете некои ѕведени услуги. Но како да се обезбеди услуга која е на повисоко и подобро ниво од останатите ресторани ? Ние ќе ви предложиме неколку совети за беспрековно однесување на персоналот.
Слушајте ги клиентите внимателно
Ако сакате да знаете што да направите за да им обезбедите голема услуга на клиентите, зошто не се обратите кај изворот? Прашајте ги директно гостите и тие ќе ви кажат точно што мислат и сакаат.Прашајте ги вашите Facebook или Twitter следбеници што мислат за вашиот следен проект ? Споделете некои од идеите и чекајте. Ќе се изненадите од искрените одговори. За крај, не заборајавте да се заблагодариме за помошта.
Приближете се кон клиентите
Личните контакти и заблагодарувања само ќе ве доближат до клиентите. Зошто да нема порака со своерачен потпис и натпис „Пријатна вечера“ за секој оброк кој ќе биде послужен? Или порака со името за редовните гости ? Личните допири ја прават разликата помеѓу обичната услуга и услугата на повисоко ниво.
Кога ќе направите грешка – потрудете се да надоместите за тоа
Ако ја згрешите нарачката на клиентот, или ја задоцните – извинувањето е во ред. Но, не застанувајте тука. Понудете замена на оброкот, или додадете бесплатен пијалок од ресторанот – се со цел гостинот да се почувствува доволно важен, и да воочи дека вас навистина ви е жал за случката. Запомнете дека кога клиентите не се задоволни, имаат навика да се жалат јавено, на Facebook или Twitter. Ако сакате коментарите да одат само во позитивна насока, направете го вашето извинување беспрекорно.
Вклучете ги сите
Да, персоналот кој послужува поминува најмногу време со гостите и тие контактираат најмногу со нив. Меѓутоа, убаво би било кога и готвчот би се “прошетал“ низ ресторанот откако ќе се послужи храната, за да поразговара накратко со клиентите и да ги слушне нивните мислења за храната. Понекогаш, неочекуваните дијалози се оние кои оставаат најголем впечаток кај гостите.
Предвидете ги потребите на клиентот
Еден начин за да покаже услугата на клиентите е да се биде проактивен а не реактивен. Не чекајте гостинот да побара повеќе салфетки, кошница леб или ново шише вино. Предвидете ги нивите потреби, и постојано надгледувајте ја ситуацијата. Малите нешта како овие ќе направат клиентот да се чувствува згрижен.
СЛЕДЕЈЌИ ГИ ОВИЕ СОВЕТИ, ЌЕ ОДИТЕ НАПРЕД СО ВАШАТА УСЛУГА И ЌЕ ГИ ЗАДРЖИТЕ КЛИЕНТИТЕ РЕДОВНИ И СРЕЌНИ!