Справете се со конфликтот брзо и тивко

by ugostitelstvo.mk

За жал гостите не се секогаш среќни и задоволни. Жалбата од страна на клиентот е дел од работата. Но, што треба да правите кога налутениот гостин сака да ја направи кавгата поголема? Кое е вашето решение кога гостите се гласни и вознемирени? Справувањето со конфликтите со гостите може да биде тешко, но сепак ние ќе ви предложиме неколку идеји како најдобро да се соочите со проблемот.

gestion-de-restaurantes-como-tener-camareros-motivados

Бидете љубезни

Ќе бидете изненадени каков ефект има насмевката и љубезниот поздрав кон една личност. Само затоа што гостинот има причина за таа намуртена состојба на лицето, не значи дека тоа важи и за вас. Однесувајте се кон клиентот со целосна почит. Не ги прекрстувајте рацете, не ги превртувајте очите и не воздишувајте иронично.

Слушајте

Понекогаш, гостите сакаат само да бидат слушани. Во овие случаи, тие ќе се смират веднаш штом го добијат вашето целосно внимание. И ако гостинот е навистина вознемирен поради некоја причина која се случила во вашиот ресторан, вие всушност и му го должите тоа внимателно ислушување.


Извинете се

“Но јас не направив ништо лошо!” – може да си помислите. Технички, тоа може да биде вистина, и вие да не сте директно вмешани во проблемот. Сепак, мора да ја отфрлите својата гордост и искрено да се извините. Со извинувањето ќе им покажете на гостите дека ја разбирате нивната ситуација (дури и да не се согласувате со тоа што тие го кажуваат). Меѓутоа, доколку клиентот не го прифаќа вашето извинување и е упорен за конфликт, едноставно повлечете се и престанете со извинување.

Поправете ја ситуацијата (доколку сте во можност)

credit-card-waiter-restaurant-server-paying

Понекогаш, нема нешто што можете да направите за вашиот гостин да биде среќен. Ако тој чекал резервирана маса околу половина час, тука нема компромис. Сослушајте и извинете се. Но ако клиентот смета дека храната е неправилно зготвена, тоа е нешто што не може да се поправи. Сепак, понудете нова порција како подарок. Нема цена на решението кое може да ги смири вознемирените гости.

Обидете се да ја “преместите“ ситацијата на друго место

Понекогаш слушањето, извинувањето и разговорот сепак не се доволни за гостите да го прекинат конфликтот. Ако клиентот е веќе во ресторанот, во кој има и други гости (кои најчесто активно ја набљудуваат сиуацијата) учтиво побарајте од гостинот да разговарате на некое потивко место.

Не заборавајте на останатите гости

Запомнете, иако сте навистина загрижени поради лутиот гостин, останатите гости се исто така многу важни. Вие не сакате да им го уништите ручекот со гласни и непријатни аргументи. Во најдобар интерес е да се реши спорот што побрзо.

Позитивен завршеток

Се надеваме дека претходните чекори го направија гостинот посреќен. Но, постојат луѓе кои едноставно никогаш нема да бидат задоволни. Што да направите ако клиентот и после се, е сеуште лут? Продолжете да бидете пријателски настроени и љубезни. Извинете се за последен пат и заблагодарете се што го посетиле вашето место.

Бидете претпазливи, овој немил настан нека ви послужи како пример. Меѓутоа, доколку сепак гостинот е навистина непријатен, не ви преостанува ништо освен да превземете мерки за безбедност.

Ние се надеваме дека нема да се соочите со вакви настани и во вашиот објект ќе има само задоволни гости.


За повеќе информации и консултации: 

 

Regent Hospitality Consulting
[email protected]
023 119 615 | 070 217 058

 

 

Слични написи