Кога приготвуваме храна во домашни услови, без разлика дали е тоа вечера со пријателите или пак романтична вечера за двајца, најчесто веќе имаме претходно замислено како тој оброк ќе изгледа и каков вкус ќе има. Таа замисла е тесно поврзана со она што веќе го имаме видено во некој ресторан (декорација, свеж мирис), но конечниот резултат, и покрај огромниот вложен труд не е секогаш она на што сме се надевале, ниту пак приближно ја доловува ресторански приготвената храна. За тоа постојат повеќе причини, а некои од нив ќе ги наведеме тука.
Работата во ресторанската кујна е како „стара подмачкана машина“, опремата која се користи е специјално наменета за кујнско работење и секој готвач го знае рецептот совршено добро за секое јадење кое е во ресторанското мени без било какво потсетување за состојките. Споредено со ресторанската кујна, домашната изгледа пристојно, но таа никогаш не е соодветно опремена за да можете да приготвите едно јадење кое ќе наликува и ќе го има квалитетот и вкусот на ресторанската храна.
Знаејќи го фактот дека во ресторанската кујна сè е однапред приготвено, во домашни услови ножевите не се секогаш добро наострени, рецептот не е соодветен и секогаш може да се заборави некоја од главните состојки.
За типичниот вкус и изглед на ресторанската храна, вообичаено најважни се зачините и начинот на обработка.
- Зачините во храната
Alton Brown, светски познат готвач рекол дека зачините и помагаат на храната да го добие потребниот вкус. Готвачите и покрај своето искуство тие секојдневно ја зачинуваат со многу зачини храната која ја подготвуваат, особено кога се подготвуваат поголеми количини на месо и не стравуваат дали некој од гостите ќе се пожали дека храната е презачинета.
- Печка
Печките во рестораните секогаш работат на температура поголема од 500 степени, зависно што е потребно да се пече. Храната која се пече на висока температура добива подобра крцкава текстура и е термички квалитетно обработена. Сепак брзото печење создава многу голем неред затоа бидете припремени после вашата вкусна вечера да одвоите малку време за средување на вашата кујна.
Затоа кога домашно приготвеното јадење нема да ја има идеалната форма или посакуваниот мирис, не се разочаруваајте. Доколку се е направено со доволно љубов, тоа не треба да изгледа како од ресторан или пак да го има истиот вкус.