Најчести грешки што многу ресторански менаџери ги прават

by ugostitelstvo.mk

Менаџерите на рестораните имаат многу одговорности, кои можат да бидат изработени на добар или лош начин. Ако сакате да избегнете некои од најголемите грешки на управување, прочитајте ги нашите насоки.

Имајте коректно однесување кон вработените:

Ако не сте фер кон вработентие, тоа веднаш ќе се одрази на вашиот ресторан. За возврат, персоналот ќе почне да се однесува нелојално и непрофесионално. Еден ресторан не може да биде успешен без посветени вработени.

Не ги игнорирајте поплаките од клиентот:

Доколку клиентот издвоил време само за да ги каже своите поплаки, важно е да го сфатите сериозно и да сторите се што може за да се поправи грешката, без разлика дали тоа вклучува извинувања, ново јадење или некакво друго олеснување. Во никој случај не смеете да го игнорирате.

Не смеете да им кажете на гостите дека грешат:

Колку смешно и да звучи некоја поплака, нема оправудување за да им кажете дека тие апсолутно грешат. Земете го во предвид нивното мислење, колку и чудно да звучи.
razgovaranje so gostin
Не им давате на вработените доволни и јасни инструкции:

Вашите вработени не читаат мисли. Доколку сакате јадењата да бидат подготвени на одреден начин, или масите наредени според нов стил – мора да им кажете. Со тоа ќе заштедите нерви и време.

Не задржувајте вработени кои се бескорисни:

Забележувате дека вработениот е мрзлив, некомуникативен и не е заинтересиран за подобрување на работата во ресторанот? Како менаџер, ваша работа е да му дадете опомена или едноставно да го замените за нов и подобар.

Не попуштате за ниедно правило:

Во ред е да се има правила, но одредени ситуации бараат прилагодување. Понекогаш, во најдобар итнерес е да се придружите кон мнозинството.

Не ги игнорирајте проблемите:

Расипана чешма? Оштетено мени? Расправија меѓу вработените? Овие проблеми се толку мали, а толку големи. Ако ги игнорирате – само ќе биде полошо.

Не давајте дисциплински мерки пред гостите:

Многу, многу лоша идеја. Се разбира дека по грешката ќе треба да разговарате со вработените, но не пред вашите гости. Има одредено место, и одредено време. Стрпете се и однесувајте се професионално.

Не смеете да имате ретка комуникација со вработените:

Ако имате важна промена во менито или распоредот, персоналот тоа треба прв да го знае. Ако не сте организирани, целиот ресторан ќе изгледа лошо и хаотично.

Правилата важат за сите:

Иако сте им претпоставен на вработените, одредени правила се разбира дека важат и за вас. Во спротивно, само правите непосакувани непријатни ситуации, кон вработентие, со вашето арогантно однесување.

Не смеете да го оставите клиентот да се замине несреќен:

Ваша крајна цел е задоволството на гостите. Доколку тоа не е така, тогаш која е поентата на работењето на ресгторанот? Во непријатен случај, решете ја грешката веднаш и понудете се што е потребно. Тоа ќе Ви се врати пак Вам, со тек на време.
среќни гости

И не заборавајте: вие работите за задоволни гости и ваша работа е тоа да го постигнете!

Слични написи