Овде само времето е пари – сè друго е бесплатно (дури и кафето)

by ugostitelstvo.mk

Отворен кафе бар во кој се е бесплатно, освен времето. Во Лондон почна да работи првиот кафе бар каде се е бесплатно, освен времето кое се наплаќа три пени по минута.

Тоа е всушност руски синџир на продавници за кафе “Ziferblat”, кој сега го доби својот прв објект во Велика Британија. Името на кафе барот е создадено од руски и германси јазик и означува часовник. Идејата на барот е во тоа, кога гостите ќе влезат внатре, да земат еден часовник од плакарот, да го наместат времето и аларм ќе се огласи по истекувањето на определеното време (на пример 1 час).
Не постои минимално време што гостите можат да го поминат во ова кафуле.

Ziferblat-london-02
Гостите имаат пристап до кафе, разни пијалоци, колачи, овошје, зеленчук, бесплатен интернет па дури можат да ја користат кујната сами, и да си подготват храна и кафе. Гостите смеат да свират на пијано, а еден час во барот, со се она што има да понуди ова место чини 1 фунта и 80 пени. Сопственикот Иван Митин отворил 10 вакви барови низ Русија и сега сака да ја започне својата имплементација на идеји низ светот. Тој нагласил дека доколку сакаат гостите можат слободно и да ги измијат садовите, се е до тоа како се чувствуваат. Останува да се види како ќе се прифати оваа идеја, и како клиентите би го прифатиле отчукувањето на часовникот додека го пијат своето кафе, релаксирано?!

Слични написи