Препорачана велигденска трпеза

by ugostitelstvo.mk

Нема ништо поубаво од уживањето во празничната трпеза со семејството. Важноста на храната најмногу се истакнува на Велигден, бидејќи овој голем христијански празник симболички претставува почеток и обнова на животот, па и јадењето кое на овој празник се подготвува ја поддржува таа традиција. Токму за овој празник ugostitelstvo.mk ви препорачува. 

јајца

Појадок – Лепчиња со јајце

Вкупно време на подготовка: 20 мин, Печење: 20мин.

Рецепт за 4 особи.

Состојки:

  • 250 гр исечкана сланина
  • 4 лепчиња во форма на топка
  • 250 гр убаво исечкани печурки
  • 4 јајца, малку сол, малку пипер
  • 250 гр пармезан

Подготовка:

Загрејте ја рерната на 160° Целзиусови. Во мала тава, пржете ја сланината и мешајте додека не добие румена боја. Кога е готова извадете ја, и ставете ја на хартија да отстои, за хартијата да ја впие мрснотијата. Во меѓувреме, извадете го внатрешноста од лепчето и направете доволно голема дупка да можетеа да ги сместите јајцата На сланината додадете и ги печурките, изронатиот внатрешен леб, и промешајте. Таа смеса ставете ја во шупливото лепче, и потоа скршете јајце во секое од нив. Наросете со сол и пипер, и убаво посипете ги со пармезан. Печете 18-22 мин или додека јајцето не е доволно испечено.

бавно печено

Ручек – Бавно печено јагне со цимет, анасон и цитрус

Вкупно време на подготовка: 4 часови и 20мин

Рецепт за 6 особи

Состојки:

  • 1 нога од јагне
  • Кора од лимон и сок од 1 лимон и портокал
  • 4 лажици маслиново масло
  • 2 лажици мед
  • 1 лажица масло од цимет
  • масло од анасон и 1 лажица масло од ким
  • 3 чешниња истолчен лук

 Подготовка:

Ставете ја јагнешката нога со сите сокови да се маринира цела ноќ. Следниот ден, извадете го јагнете од фрижедер барем 1 час пред да се готви. Затоплете ја рерната на 220° Целзиусови. Земете го јагнето од маринадата и ставете го во рерната. Печете 15-20мин. Потоа, извадете го месото, ставете ги останатите состојки ставете ги рамномерно. Завиткајте ја ногата во алумиумска фолија и повторно печете околу 4 часови, на умрена температура. Одвиткајте ја ногата и сервирајте.

цезар салата

 

Вечера – Цезар салата со варени јајца 

Состојки:

  • Половина багет исечен на коцки
  • 4 лажици маслиново масло, сол и бибер
  • 1/4 сок од свеж лимон
  • 2 лажици рендан пармезан
  • 2 лажици мајонез
  • 2 парчиња филети сардина
  • 1 лукче
  • 8 тврдо варени јајца
  • јајца сечкани на поголеми парчиња
  • 2 марули кои исто се сечат на парчиња

Подготовка:

Загрејте ја рерната на 220° Целзиусови и ставете ги багетите во плех. Намачкајте ги со маслиново масло и ставете ги да се потпечат од 10 до 15 мин. Во блендер се комбинира сокот од лимон, пармезанот, мајонез, сардината, лукчето, 4-те варени жолчки, и останатото маслиново масло. Ставете сол и пипер според вкус. Миксате додека смесата не се изедначи. Потоа, во голем сад, најпрво ја ставате марулата, останатите белки и јајцата, па потоа смесата кој ја миксиравте. Комбинирајте со бело вино и уживајте во празничната атмосфера. Добар апетит.

Слични написи