Toрта од киви со крем од јогурт

by ugostitelstvo.mk

Состојки:

За тесто

  • 200 г. бисквити
  • 76 г. путер

За подготовка на филот:

  • 9 листови желатин
  • 4 киви
  • 3 лажици сок од лимон
  • 140 г. шеќер
  • 700 г. полномасен јогурт

За украсување:

  • 3 лажици бадеми исецкани на листови
  • 2 лажици мед
  • 2 киви

Подготовка:

  1. Ставете ги бисквитите во пластична кеса и здробете ги со сукало, па ставете ги во чинија и помешајте ги со путер. Смесата истапкајте ја на дното од округлест калап, па оставете ја половина час да се олади во ладилник.
  2. За фил измешајте желатин во студена вода и оставете го да отстои.
  3. Излупете едно киви, исецкајте го на коцки, помешајте со 40 г. шеќер и сок од лимон, па на тивок оган гответе околу четири минути. Компотот од киви оставете го да се олади и во него растворете го исцедениот желатин.
  4. Штом смесата ќе почне да се стега, измешајте го јогуртот изматен со преостанатиот шеќер.
  5. Филот префрлете го во калап, покријте го со фолија и оставете го три часа во ладилник.
  6. Останува уште украсувањето. Бадемот на суво пропржете го во тавче за да добиете златножолта боја. Излупете ги другите киви, исецкајте ги на кругчиња и попрскајте ги со мед. Тортата внимателно извадете ја од калапот, па работ наоколу украсете го со бадем, а одозгора распоредете ги кивите.

Слични написи