Довербата на клиентите е клуч за успехот на еден бренд

by ugostitelstvo.mk

Довербата на клиентите е клуч за успехот на еден бренд

IHG (InterContinental Hotels Group), светскиот лидер во хотелскиот бизнис со повеќе од 4.700 хотели во групацијата, присутна во речиси 100 земји и девет познати хотелски брендови препознати од милиони луѓе ширум светот, почнувајќи од 2011 година спроведе неколку големи глобални анализи и студии за ставовите, вредностите и потребите што ги имаат патниците во однос на хотелите, преку истражување спроведено кај 40.000 испитаници ширум светот.

ihg__intercontinental_hotels_group__2

IHC Group на 20-ти Јануари 2015 го објави извештајот со најзначајните сознанија, истакнувајќи дека во време на криза, најважно за еден бренд е да го гради и негува капиталот на доверба. Во извештајот на групацијата, се истакнува дека перцепција на потрошувачите еволуирала во однос на вреднување на брендовите. Главен фокус е ставен на тоа дека една организација може и треба да го гради и негува капиталот на доверба,  базиран на кредибилитетот, интегритетот, лидерство и одговорноста на организацијата, и во исто време да ја зголеми вредноста на брендот и да го заштити бизнисот во услови на криза.

“Потрошувачите ја надградија дефиницијата за вредност на еден бренд. Тие согледуваат дека вредноста на брендот може да се набљудува преку трите важни компоненти. Прво, потрошувачот има нови и посложени критериуми за оценување на брендот. Второ, довербата е суштината на секоја релација. Трето, градењето на капиталот на доверба е основа за градење на вредноста на брендот.

bangkok-dream-hotel-bangkok-321070_1000_560

Промена на демографијата

Извештајот дава осврт на менувањето на потрошувачките навики врз основа на промена на демографската структура на населението.

Особено ги нагласува разликите меѓу “беби-бумерите” (родени 1946-1964) и милениумската генерација  (родени 1982-2000), при што милениумската генерација претпочита поблиску и поопсежно да се запознае со некој бренд, барајќи брза и флексибилна услуга додека претставниците на беби-бум генерацијата имаат помали барања и со нив релациите се градат многу поедноставно.

Светот што се менува

Во извештајот од 2013 година, IHC Group  ја идентификуваше “економијата на сродство” а во извештајот 2014, сугерираше дека брендовите треба да обезбедат глобални, локални и персонални искуства за да ја обезбедат лојалноста на гостите, додека во извештајот од 2015., нагласува дека новиот бизнис императив на компаниите освен фокусирањето на финансискиот, интелектуалниот и човечкиот капитал, исто така е важно во своите стратегии и пракса да го додадат и капиталот на градење доверба во различна демографска и географска поставеност. Ричард Соломонс, главниот извршен директор на Групацијата, вели: “Како што гледаме околу нас, постојат толку многу промени кои се случуваат. Во дигитален, 24/7 движечки свет, каде персонализација е во пораст и потрошувачите имаат нова дефиниција на вредноста, довербата на луѓето во брендот и организацијата која стои зад брендот е поважна од било кога. ”

A 36590

“Нашето истражување покажа дека изградбата на “капиталот на доверба” игра клучна улога во обезбедување на одржлив и квалитативен раст на приходите. За да се изгради доверба, организациите мора да обезбедат агенда за градење  доверба и длабоко разбирање на тоа дека потребите на гостите се менуваат од демографски и од географски аспект.”За IHG, одржувањето на нашиот фокус во овие области ќе ни помогне да продолжиме да градиме взаемна лојалност со нашите гости и да ги надградуваме меѓусебните односи, сега и во иднина.”

Слични написи