Како да составите добро мени

by ugostitelstvo.mk

Доколку имате одлично мени, новите гости сигурно нема да ве изостават, а сталните ќе станат амбасадори на вашиот објект. Менијата се битен но неретко  и заборавен дел од маркетингот на рестораните.

Успешните угостители веќе се имаат откажано од класичните менија, кои се само убаво укоричени листови но не и функционална понуда. Тие можат да бидат корисни за маркетингот, но и да донесат заработувачка доколку ги содржи клучните работи како и   правилно опишаните продукти , на пример свежа сезонска салата, сите месни производи се свежо сечени и сл. Секако сите описи наведени во мените треба да бидат веродостојни за да не ја изгубите довербата кај вашите гости, оваа техника е позната како “тивок продавач” сепак оваа техника за да функционира правилно, треба да биде и правилно и стратешки испланирана.

Добрите мениа секогаш треба да бидат наменети за различни групи на гости, за оние е со подлабок и за они поплиток џеб. Ако се користи како маркетиг инструмент, во текот на една сезона благодарение на менито вие можете да имате поголем промет и тоа да донесе многу повеќе гости во вашиот објект.

Како функционира менито

Иако се мисли дека менито не е ништо повеќе од понуда на јадење со цени, сепак тоа има маркетинг функција која е многу повеќе од тоа.

Се што е треба гостите да знаат за ресторанот треба да е напишано во менито:

Менито може е да  врши и дополнителна продажба,  понуда за кетеринг, изнајмување на ресторанскиот простор за разни прослави и свечености и сл.

Бидејќи кога го посетуваат ресторанот 90% од гостите незнаат што ќе јадат, а 85% од нив внимателно го разгледуваат менито (просечно по 5 минути), може да се рече дека менито емоциналнао и ефективно делува на гостите и притоа ги исполнува  најбитните задачи, како на пр, помага при изборот во јадењето, му ја олеснува работата на послужувачот, сликовито прикажува, дополнително продава, го консултираат за продажба, ги забавува гостите, гастрономски ги заведува гостите, промовира и сл.

Стратегија на менито

Во сите менија  постојат така наречени “топ јадења”и”слаби јадења”. Топ јадењата  најчесто сепознати и популарни јадења кој се продаваат повеќе од останатите, додека слаби јадења се оние кој секој ресторан мора да ги има заради традицијата или заради одредена група на гости и тие вообичаено послабо се продаваат, а често се и со пониски цени.

Доколку добро го погледнете менито и соодност на продажбата од него ќе забележите дека, 20% од вкупната понуда на јадења во менито е 80% од продажбата. Ова ни покажува дека Топ јадењата го прават главниот промет во ресторанот што се однесува барем до храната.

inI0UOrlpC5I

Според ова секој успешен менаџер на угостителски објект треба да знае како правилно да ја распореди понудата во менито т.е.  од “топ” јадењата  да направи “ѕвезди”  кои во иднина ќе бидат најбарани или  најпродавани јадења.

Како да направите ѕвезда од “Топ” јадењето ?

Пред се треба јадењето да го направите препознатливо. Гостите треба да знаат дека тоа јадење единствено можат да го пронајдат во вашиот ресторан и дека вие имате таен рецепт за подготовка на истото, исто така немојте да заборавите каде или на кој дел од менито ќе го поставите ова јадење, се разбира многу е важна и групата во која тоа јадење ќе биде ставено.

Структура на менито

  • Составување на понудата која ќе се најде во менито
  • Составување на текстови
  • Дизајн на менито

Потребно е да знаете дека:

  1. Десната страна од менито секогаш продава повеќе.
  2. Добриот текст во менито секогаш ја нагласува специфичноста.
  3. Кога се во група првото и последното јадење  во менито секогаш се нарачуваат највеќе.

За да имате успешна продажба во вашиот објект составете го менито правилно, јадењата кои се продаваат највеќе поставете ги на десната страна, а оние кои се не толку популарни поставете ги на левата страна.

Содржина на менито

Малиот избор на јадења воменито не претставува  погрешно изработено мени или погрешен концепт на работа  тоа може само да го потенцира квалитетот на вашата кујна и храната што во неа ја приготвувате. Големата понуда на јадења не прави голем профит , таа може само да ги збуни гостите и да им одмогне во нивната одлука. Доколку имате јасна дефинирани целна група и добра локација вашето мени може да содржи и мал број на јадења. На овој начин секојдневната припрема на јадењата ќе стане едноставна, брза и квалитетна.

Дизајн на менито 

Содржината секогаш го одредува обликот на менито. Како што е веќе познато менијата се дел од маркетингот. Потребно е да се ускладени со интернет страницата, потсетниците, флаерите и останатите рекламни материјали. За препознатливоста и имиџот на објектот потребно е да се користи иста боја на текстот, логото да биде исто и застапено на сите рекламни материјали. Типот и бојата  на буквите  не е работа што треба да ви ја одреди некоја печатница, тоа е нешто што ќе го прави вашиот објект препознатлив и нешто што ќе им дава доверба на вашите гости. Од тука менијата треба да имаат стил, преку нив вие им се презентирате на вашите гости и им ја раскажувате вашата приказна, едноставно менијата го пренесуваат духот на вашиот објект. Многу е неинвентивно и крајно унифицирано ( па дури и за Fast Food објектите ) да изработите пластифицирани менија.  А доколку се одлучите да направите пластифицирани мениа тоа од ќе биде една од вашите маркетиншки грешки.

menu-design1-1024x386

Потрудете се секогаш кога ќе го смените амбиентот на ресторанот да го смените и менито, не заборавајте рестораните нудат задоволсво и амбиент, а менијата треба токму тоа да го доловат. Немојте старите менија само да ги замените со нови без разлика што сте направиле со ресторанот и понудата во него.

Професионален дизајн

За изработка на менито ангажирајте професионален графички дизајнер. Дизајнираната насловна страница, како и материјалот од кој што е изработено менито треба да се совпаѓаат со видот и стилот на вашиот ресторан, но и со квалитетот и типот на храната што ја служите. На пример, рачно пишувано мени покажува дека станува збор за традиционален ресторан, а тоа пак значи дека гостите можат да уживаат во домашните јадења. Што се однесува до тоа дали менито ќе содржи пиктограми и фотографии, зависи од стилот на ресторанот. Во секој случај, графичките елементи можат да придонасат и до 15% поголема заработка. Сепак, мора да се внимава менито да биде читко, па дури и во полумрак, пред се за гостите во поодминати години, но и за гостите со послаб вид. Затоа  внимавајте на големината на буквите, на фонтот и на контрастот. Модерно дизајнираното мени е едноставен и пристапен начин за прометот во угостителскиот објект да се подобри, но и да им се допадне на гостите.

Флаери (Летоци)

Гостите со задоволство ги земаат со себе летоците што ја содржат понудата на ресторанот. Тоа важи и за додатните информации, како разни најави, предлози за излет, бонови, или реклами. Значи, откако летоците ќе се потрошат, веднаш треба да се набават нови. Летоците што ја содржат понудата на пример, може да дојдат до луѓето на различни начини: на излезот од објектот, во поштенските сандачиња, или едноставно поставени на масите и сепарињата во ресторанот. Бројот на вегетаријанците во светот постојано се зголемува, но и бројот на дијабетичари, луѓе со алергии на одредени видови храна, или едноставно луѓе кои имаат принципи во исхраната поради верско убедување. Па затоа, посебните менија ќе го надополнат главното мени. Рестораните што на располагање имаат менија за посебни групи на гости се во предност, па вообичаено ги бие глас дека се со услуга на високо ниво.

Цените во менито

Испишаните цени во менито мора да бидат јасни и веродостојни. Без друго, тоа го регулира и законот. Психологијата нуди докази за одрадување на цената: Цените што завршуваат со 5 или 9 денари, претежно оставаат впечаток како незначајни. Во секој случај, подобро е цените да завршуваат со 0, така сигурно нема да имате загуба. Најзначајно е да разграничите дека менито не е ценовник. Редоследот на јадењата и оброците во менито што се сместени според цените не е баш најсреќен избор. Гостинот не би требало да ја избере храната според тоа колку чини, туку според тоа што навистина сака да јаде. Најдобро решение е скапите и поевтините јадења да се измешаат во понудата на менито.

6a00e554fa70848834014e89d2eb59970d-800wi

Анализа на менито

Рецепт за успех:

  1. Редовна анализа
  2. Преработка на менито

Форсирајте ги најбараните производи, а исфрлете ги од менито оние што се покажале како промашувања. Гледајте го менито со очите на гостите, затоа што така најдобро ќе ги забележите недостатоците. Исто така, прашајте ги вашите вработени, затоа што тие се оние на кои гостите им поставуваат прашања врзани за храната.На менито му е потребно и одржување, а тоа значи дневно прочистување, невидливи поправки, како и замена на јадењата што поради разни причини, едноставно не функционираат во вашиот ресторан.

Направете приказна, таа продава

Креативноста во кујната ги мами гостите. Но тоа може да го постигне и менито. Доколку го оставите менито на маса, откако гостите ќе нарачаат, едноставно си ги зголемувате шансите за дополнителна продажба. Верувајте дека 9 од 10 посетители во вашиот ресторан и по нарачката, повторно ќе го земат менито во своите раце да го прелистуваат, затоа што тоа едноставно им е забавно. Па сметајте дека дел од нив ќе се одлучат на дополнителна нарачка. Менито “знае” добро да си ја исполни улогата на продавач.Посебно кога содржи приказни за угостителскиот објект, за персоналот, за темите на ресторанот,..Речиси секое јадење може да си ја раскаже сопствената приказна, на пример за неговото изворно потекло, за името, за оној што го измислил, за времето во кое е измислен рецептот, за посебниот начин на подготовка итн. Може да се каже дека менито е претпродажба, додека послугата ја обавува продажбата преку комуникација. Токму затоа вработените во угостителските објекти менито треба да го гледаат како сретство за комуницирање. Домашната кујна е популарна, па така приказните за регионот, градот, местото на гостите им е особено интересна. Автентичноста, семејството и посебно традицијата гостите многу ја ценат, а приказните само нудат дополнителни информации за сето тоа. Преку ваквиот вид на комуникација, менито мотивира нарачки и на забавен начин ги покажува филозофијата и идентитетот на угостителскиот објект.

10 пропусти во менито, што не смеете да си ги дозволите

  1. Грешки при креирање на менито
  2. Големината на менито е многу мала за да ги опфати сите оброци во понудата, што резултира со преклопување на редови, нечиткост и натрупани страници во менито
  3. Многу мали букви, па менито едноставно е нечитко
  4. Недостаток на описен дел за специјалитетот
  5. Мешавина на различни јазици (Англиски, Француски, Германски) во мени што е на Македонски јазик.
  6. Непостоење на посебно издвоен простор за специјалитетите на куќата
  7. Изоставени алкохолни пијалоци од листата на пијалоци
  8. Нелогичност во редоследот на менито, во организираето на изгледот на менито
  9. Посебните дневни понуди прикачени на некоја од страниците на менито, но така што покриваат некои од веќе постоечките јадења.
  10. Дневни понуди како двојници на нешто што веќе се наоѓа во менито. Измени и додатоци напишани со рака, едвај видливи и поредени без ред.

За повеќе информации и консултации:

Regent Club – Training Center

тел. 02 / 3119-615
[email protected]

Слични написи