274
Се вели дека вработените не се откажуваат од својата работа туку од нивните претпоставени. Тоа можеби е вистина меѓутоа е премногу едноставно кажано. Па затоа да ги погледнеме најчестите пет причини поради кои вработените ја напуштаат нивната работа.
- Недостиг на комуникација – Менаџерот треба секојдневно да комуницира со своите вработени, а најважна е комуникацијата кога имате нов вработен, првите работни денови секому му се тешки затоа како менаџер треба да одвоите доволно време да разговарате со секој од нив.
- Надминување на сопствените граници – За да изградите едно удобно работно опкружување потребно e вашите вработени да знаат дека имате за нив високо мислење и дека го почитувате нивниот вложен труд.
- Несоодветна техника за вработување – Доколку менаџерите се вешти во бирање на новите вработени за нивниот тим, тие најверојатно брзо ќе се вклопат со остатокот од тимот и ќе чуствуваат посреќни во новата работна околина.
- Недостаток од повратни информации од менаџерот – Секој вработен треба да добие добар или лош коментар од менаџерот, само така тој ќе знае дали си ја врши својата работа соодветно или пак ќе треба да вложи повеќе труд.
- Неадекватен распоред – Рамномерниот распоред меѓу вработените и соодвените паузи се потребни за да се задржи квалитетната работна атмосфера и секој вработен да добие доволно слободно време.